Zerbitzuak‎ > ‎Berdintasuna‎ > ‎

01. Berdintasuna saila

Gaztelania | Euskara
Azken urte hauetan emakume eta gizonen arteko berdintasun eraginkorrerantz egindako bidean asko aurreratu da, nahiz eta oraindik bide luzea dago gauzatzeke. Dena den, oraindik bide luzea egin behar da. Zallako udalerria beharraren jakitun da eta berehalako helburutzat du emakumeen eta LGTBI+ taldearen egoerari erreparatuz, egitura aldatzeko lanean aritzea. Balioak, jarrerak eta pentsamoldeak eraberritu eta, bide batez, gizarte-egitura desberdinak alda daitezen, Zallako Udalak herritarren artean berdintasunaren kultura eta emakumeenganako indarkeriarik eza sustatzeko jarduera eta ekimen ezberdinak bultzatzen ditu. Horretarako, udalerriko V. Berdintasun Plana ildo horretatik urrats garrantzitsua izatea espero da.

V. Berdintasun Planak lau urteko indarraldia du eta 2021-2024 aldian zabalduko da. Aurrekoak, ordea, 2016-2019 epealdia zuen. Nolanahi ere, urteko jarduera-planen bitartez antolatu eta garatuko da honako ezaugarri hauei jarraiki:

  • Berdintasun Saila arduratuko da plana koordinatu eta bultzatzez.
  • Plana ebaluagarria da, neurketa-adierazleak baititu eta horiei esker etengabe helburuak betetzen diren baliozta baitaiteke.
  • Aurrez ikusitako aldian eta baliabide eskuragarriekin udal-sail eta erakunde arduradunek garatzeko helburu eta jarduera bideragarriak ditu.
  • Tresnak udalerriari eragiten dio eta politikariek, teknikariek nahiz herritarrek konpromisoak onartzen dituzte.


Zallako Udalak, aginte publikoa den heinean, udalerriko emakumeen eta gizonen arteko berdintasun eraginkorraren alde lanean jarduteko konpromisoa onartzen du. Sail honen helburua emakume eta gizonen arteko harremanak eraldatzea da. Horretarako, batetik, elkarren artean desberdinkeriaren eta diskriminazioaren egoerak zuzendu eta orekatzeko eta, bestetik, berdintasunezko gizarte-eredua bermatzeko, programak, planak eta proiektuak bultzatzen dira.

Berdintasun Sailak biztanle guztientzako zerbitzu publikoa ematen du eta berdintasun-politikak sustatzen ditu. Ekintza positiboaren plana sail honetan txertatzen da eta Zallako udalerrian, Hezkuntza eta Euskara, Osasun, Kultura, Kirol, Hirigintza eta Ingurumen, Prestakuntza eta Enplegu, Administrazio nahiz Gizarte Ekintzaren eremuetan ekintzak sustatzeko tresna da.



NON DAGO?

Berdintasun Saila honako hauetan aurki daiteke:

Trenbide Etorbidea, 2

Tel.: 607.26.22.80

Helbide elektronikoa: berdintasuna@zalla.eus